Նախաբան
Արվեստը չի փոխվել:
Տեխնոլոգիան և Արվեստի սպառումը շարունակում են փոխվել, բայց Արվեստի հիմնական տարրերը, իմաստը և օգտագործումը մնում են նույնը:
Մենք տեխնոլոգիական մեծ առաջընթացի մեջ ենք, և դուք պետք է օգտագործեք տեխնոլոգիան ձեզ և Հայ դատը առաջ տանելու համար:
Այս ուղեցույցը վերջնական խոսք չէ և նախատեսված է միայն որպես ուղեցույց արվեստի բոլոր ձևերի համար, ներառյալ գրականությունը, երաժշտությունը, գեղարվեստը, համակարգչային ծրագրավորումը և այլն:
Արվեստը ստեղծարարություն է:
Չկա որոշիչ պատասխան, թե ինչ է արվեստը: Կան հարաբերական պատասխաններ, թե ինչ է արվեստը:
Արվեստը սահմանող մեկ բառը ստեղծարարությունն է:
Արվեստը հաղորդակցություն է:
Արվեստի ամենակարևոր դերը հաղորդակցությունն է, և արվեստագետն ունի լավ հաղորդակցվելու պարտականություն:
Զենք դարձրու քո արվեստը:
Գեղեցիկ արվեստը չի ստեղծվում հանուն գեղեցկության: Այն զենք է Կյանքի, բնության և իրականության տգեղության ու դաժանության դեմ: Զինիր քո արվեստը, պաշտպանիր ինքդ քեզ և շրջապատդ:
Հայ արվեստը պաշտպանություն է:
Զարդերը զարդարանք չեն, զրահ են։ Հայկական փողային գործիքներն ահազանգեր են։ Եկեղեցիները երկրաչափական կատարելությամբ են կառուցված՝ դիմակայելու ժամանակին, բնությանն ու ներխուժողներին:
Ինչ-որ բան անելն ու առաջ շարժվելն ավելի կարևոր է, քան կատարելության հասնելը:
Ժամանակդ մի վատնիր թերություններից վախենալու վրա։
Ինչ աշխատանք գտնեք, արեք:
Վերցրու նաև գործեր, որոնք քո մասնագիտությունից դուրս են կամ որոնք չես ուզում անել: Դա քեզ բազմակողմանի զարգացած արվեստագետ կդարձնի, ու ջանքերդ հետագայում կփոխհատուցվեն:
Ձեր արվեստով ապրուստ վաստակեք՝ օգտագործելով համացանցը:
Առցանց ներկայություն և ցանց ստեղծելու համար ժամանակ է պահանջվում, բայց համացանցը շարունակում է ընդլայնվել և արվեստի կարիքն ունի: Գրեթե ամեն ինչ առցանց է, և դու էլ պիտի առցանց լինես:
Ճանաչել զիմաստութիւն եւ զխրատ, իմանալ զբանս հանճարոյ:
Արվեստի գործընթացը ընդունում է տվյալներ, սահմանում է դրանք, ապա ստեղծագործություն թողարկում սպառման համար: Լսիր խրատները, հասկացիր դրանք, ապա գիտելիքն իմաստություն սարքիր:
Լավ արվեստը լավ հարաբերություններն են:
Մարդկային կապն ավելի կարևոր է, քան արվեստը:
Դու և քո ստեղծագործությունները բիզնես են, որը մշտապես նոր հաճախորդներ է փնտրում:
Բիզնեսի կառավարման բոլոր ունակությունները ՝ մարքեթինգը, գովազդը, ֆինանսները, հարկումը, հաճախորդների հետ հարաբերությունները և այլն, կարևոր են, և դու կարող ես դրանք սովորել առցանց:
Բաշխումը և հասանելիությունը նույնքան կարևոր են, որքան որակը և հայեցակարգը:
Որակն ու հայեցակարգը կարևոր են, բայց էն, թե ինչ ես հետո անում արվեստիդ հետ ավելի կարևոր է: 20-րդ դարի արվեստի լավագույն ձևերը դիզայնն ու գովազդն են, որովհետև դրանք ազդել են ամենամեծ քանակի մարդկանց վրա:
Հայ արվեստը բուն արվեստի մասին չէ, այլ հայկականության։
Հայերեն երգելը երգը հայկական չի դարձնում:
Արվեստը երբեք ինքնին արվեստի մասին չէ, այլ իր ազդեցության. նույնը հայ արվեստի դեպքում։
Արվեստը մշակույթը չէ, արվեստը մշակույթի կողմնակի արտադրանք է:
Այն մշակույթը, որն ունի իմաստ, օգտակար է և ճշմարիտ արժանիքներ ունի, լավ արվեստ կստեղծի և ընդհակառակը:
Տեխնոլոգիական առաջընթացը համացանցի մշակույթը դարձրել է համաշխարահային մշակույթ, որը տարածվում է մեմերի միջոցով:
Եթե զգույշ չլինենք, այս համաշխարահային համասեռ մշակույթը կփոխարինի ամեն հայկական բան։ Մենք պետք է հայություն, հայկական մշակույթ և հայկական կոդ ներարկենք այն ամենի մեջ, ինչ ստեղծում ենք:
Արվեստը տեխնոլոգիայի լավագույն օգտագործումն է:
Հայկական ժայռապատկերները քանդակված են քարե գործիքներով։ Դու պիտի օգտագործես բոլոր հասանելի գործիքները քո արվեստը ստեղծելու և ուղերձը փոխանցելու համար:
Պիտի օգտագործեք համակարգիչներ, հեռախոսներ, համացանցը, ծրագրավորումը, արհեստական բանականությունը (AI) և այլն։
Հայ արվեստը ծածկագիր է:
Հայոց այբուբենը, գորգերը, երաժշտությունը և հայ արվեստի բոլոր այլ ձևերը ծածկագրեր են, որոնք պարունակում են Կյանքի մասին դարերի ընթացքում ձեռք բերված գիտելիքներ, իմաստություն և ուղեցույցներ:
Գործառույթը ձևից կարևոր է:
Առանց գործառույթի չկա ձև, իսկ արվեստը գործառույթի լրացումն է:
Մի հավատա այն ամենին, ինչ տեսնում ես:
Մեր ուղեղի 40%-ը կապված է տեսողության հետ: Մարդիկ հակված են հավատալու այն ամենին, ինչ տեսնում են, բայց իրականությունն ավելի խորն ու բարդ է, քան տեսանելին:
Մարդկանց մեծ մասը վերացարկելու (աբստրակցիայի) ունակ չէ:
Վերացական մտածողությունը ֆիզիկապես դիտարկելի կոնցեպտներից դուրս մտածելու ունակությունն է (Աստված, խիղճ, ոգի, լավ-վատ, փող և այլն): Չափազանց կարևոր է վերացական միտքը պարզեցնել, օգտակար դարձնել և ճիշտ հաղորդել:
Հայ արվեստը քարոզչություն է:
Արվեստը հաղորդակցություն է, ամեն ինչ քարոզչություն է: Քո տարածած տեղեկությունը շատ կարևոր է: Հաղորդակցվիր պատասխանատու, ճշգրիտ և կանխամտածված կերպով:
Արվեստը խնդիրներ է լուծում:
Հայկական արվեստը հայերի խնդիրները լուծելու մասին է:
Ուղեղով, հետո նոր սրտով:
Կիրքը և հույզերը ունեն իրենց կիրառություններն արվեստում, բայց դրանք քիչ են և ոչ այնքան կարևոր, որքան ուղեղդ աշխատացնելն ու խնդիրներ լուծելը:
Տեխնոլոգիաների, համացանցի, համակարգչային և գիտական ոլորտների մասնագետները մեր ժամանակի և ապագայի ամենակարևոր արվեստագետներից են:
Անկախ քո փորձից և ունակություններից, պետք է սովորես ստեղծագործել այս ոլորտներում: Թե չէ, տեխնոլոգիական առաջընթացը քեզ անցյալում կթողնի:
Հայ արվեստը կարգ է:
Լեռնաշխարհի հայերը ժամանակն ու տարածությունը հասկանալու համար գիշերային երկինքն օգտագործելու մասնագետ են: Հավատքը կարգի է բերում քաոսային աշխարհը: Հայկական շուրջպարը ռազմական երթ է։
Արվեստը մտավոր աշխատանք է
Արվեստը զվարճանք չէ:
Ստեղծագործիր՝ օգտագործելով Առաջին Սկզբունքների Մտածողությունը:
Առաջին Սկզբունքների Մտածողությունը պահանջում է հիմնախնդիրը տրոհել հիմնական բաղադրիչների և էական տարրերի, գտնել հիմնարար ճշմարտությունը, տարանջատել փաստերը ենթադրություններից, ազատել պատմական նախադեպերը կողմնակալությունից, այնուհետև Ստեղծագործել սկզբից:
Արվեստը բիզնես, առևտուր և տնտեսություն է:
Արվեստն այն չէ, ինչ ուզում ես, արվեստն այն է, ինչի կարիքն ունեն շուկան և մշակույթը:
Անվճար բան չկա: Քո ժամանակը, ջանքերն ու արվեստն իրենց գինն ունեն: Այս ծախսերի հատուցումը և քո հմտությունների/աշխատանքի վաճառքը կարևոր են և հետազոտում ու պլանավորում են պահանջում:
Հայ արվեստը ստեղծված է ծառայելու Արարչին, ցեղին և ազգին։
Արվեստը քո մասին չէ։
